კურსის მიზანია მსმენელების როგორც თეორიული ცოდნის გაღრმავება, ისე პრაქტიკული უნარების განვითარება.პროექტების მართვის გავრცელებული მეთოდოლოგიებისა და ტექნიკის შესწავლის გზით კურსი დაეხმარება მსმენელებს გახდნენ უკეთესი მენეჯერები. კურსის თეორიული ნაწილი აგებულია ფართოდ აღიარებულ PMI მეთოდოლოგიაზე დაყრდნობით (Project Management Institute - www.pmi.org), გათვალისწინებულია პრაქტიკული ნაწილი ქართული რეალობის მიხედვით, ასევე პროექტების მართვის ახალი, ჰიბრიდული მიდგომა და Agile მენეჯმენტის პრინციპები.

​

კურსი ჩატარდება ჰიბრიდულად. შეხვედრების ნაწილი გაიმართება ფიზიკურად, ხოლო ნაწილი Online. კონკრეტული კალენდრის და ფორმატის შესახებ ინფორმაცია მონაწილეებს მიეწოდებათ უშუალოდ კურსის დაწყებამდე.

​

კურსის გავლის შემდეგ მსმენელებს შეეძლებათ გააანალიზონ და გადაჭრან ის სირთულეები, რომლებიც უკავშირდება პროექტების წარმატებით განხორციელებას. შეძლებენ მიიღონ პასუხი შემდეგ მთავარ კითხვებზე:

• რა არის პროექტი?

• ვინ არიან პროექტის მთავარი და სხვა მონაწილეები?

• როგორია წარმატებული პროექტი და რა უნდა გავაკეთოთ წარმატების მისაღწევად?

• როგორ ვმართოთ პროექტის პრიორიტეტები?

• რას ვაკეთებთ, როგორ ვაკეთებთ და რა დაგვჭირდება ამისთვის?

• როგორ ვმართოთ პროექტის გუნდი?

• როგორ ვმართოთ პროექტის რესურსები?

• როგორ ვაკონტროლოთ პროექტი და მისი შედეგები?

• რა არის ეჯაილი (AGILE) და როდისაა მისი გამოყენება ეფექტური?

• რა არის AGILE მეთოდოლოგიები? რა არის კანბანი, სქრამი და როდის რას ვიყენებთ?

კურსის ფარგლებში მონაწილეები, საკუთარი კომპანიების და განყენებულ ბიზნეს-ქეისებზე დაყრდნობით, დაამუშავებენ შემდეგ საპროექტო დოკუმენტებს:

• წესდება (Project Charter)

• შინაარსი (Project Scope Statement)

• WBS (Work Breakdown Structure) & WBS Dictionary

• გეგმა-გრაფიკი (Schedule)

• ბიუჯეტი (Budget)

• კომუნიკაციის გეგმა (Communication Plan)

მონაწილეები მიიღებენ კურსის სლაიდებს, ელექტრონულ წიგნებს, დოკუმენტების შაბლონებს და შესაბამის სერტიფიკატს.